Mańǵystaýda Kapıı arqyly Qazaqstanǵa esirtki tasymaldaǵan úsh sheteldik jáne bir qazaqstandyq sottaldy, dep habarlaıdy Qamshy.kz.

UQK-niń aqparatynsha, olar 2022 jyly tamyzda Qazaqstanǵa Kaspıı teńiziniń akvatorıasy arqyly 10 keli apıyn men 8 keli gashısh ákelmek bolǵan áreketteri ústinde ustaldy.

«Sheteldiń azamattary memlekettik shekarany kishi kólemdi qaıyqpen zańsyz kesip ótken. Qylmyskerler qoldanǵan qaıyq jeńil ári jyldam qozǵalatyndyqtan ony radıolokasıalyq quraldarmen anyqtaý qıyndyq týdyrǵan. Esirtki kózge túsý qaýip tómen, ıaǵnı tún mezgilinde tasymaldanǵan. Qylmyskerler navıgasıa úshin GPS jáne spýtnıktyq baılanys quraldaryn paıdalanǵan», – delingen UQK taratqan habarlamada.

2023 jylǵy aqpanda Mańǵystaý oblysynyń Qylmystyq ister boıynsha mamandandyrylǵan soty esirtki qylmysyna qatysýshylardy QR QK 286-baby 4-tarmaǵyna sáıkes kináli dep taýyp, uzaq merzimge bostandyqtarynan aıyrý týraly sheshim shyǵardy.

«Esirtki bıznesine qarsy kúres jumysy jalǵasýda», – dep qosty UQK.