AQSH–tyń burynǵy prezıdenti Bıll Klınton 1994 jyly Ýkraınanyń ıadrolyq qarýdan bas tartýyna yqpal jasaǵanyna ókinetinin aıtty.

"Kıev atomnan bas tartpaǵanda, Reseıdiń Ýkraınaǵa shabýyl jasaýǵa batyly jetpes edi. Ýkraınany ıadrolyq qarýdan bas tartýǵa kóndirgen men bolǵandyqtan, jaýapkershilikti sezinemin" – dedi ol ırlandıalyq RTÉ telearnasyna bergen suhbatynda.

Keńes Odaǵy qulaǵannan keıin Reseıdiń sol kezdegi prezıdenti Borıs Elsın jáne Ýkraına basshysy Leonıd Kravchýk Klıntonmen birge Ýkraınada qalǵan ıadrolyq qarý arsenalyn joıý týraly úshjaqty kelisimge qol qoıǵan bolatyn. Sonymen qatar,  AQSH sol jyly Ýkraınanyń aýmaqtyq tutastyǵyn saqtaý jónindegi Reseı kelisiminiń qatysýshysy bolǵan edi.

"Pýtınniń áreketi úlken qatelik boldy. Eýropa Ýkraınany qoldaýyn toqatpaýy kerek. Ýkraına men Reseı beıbit kelisimge keletin ýaqyt ta týyp qalar. Biraq oǵan deıin Ýkraınany taǵdyr tálkegine túsirýge bolmaıdy", –  dedi ol. 

Sondaı–aq, Bıll Klınton 1994 jyly Ýkraına Reseıden ıadrolyq qarý ǵana qorǵaıtynyn aıtyp, ıadrolyq arsenaldan bas tartýǵa qoryqqanyn da jasyrmady.