2023 jyldyń 1 sáýirindegi esep boıynsha 4575 etnıkalyq qazaq tarıhı otanyna oralyp, qandas mártebesin aldy. Al Táýelsizdik alǵaly beri 1 mıllıon 111,1 myń qazaq elge oralǵan, dep habarlaıdy QR halyqty áleýmettik qorǵaý mınıstrliginiń baspasóz qyzmeti.
Vedomstvonyń málimetinshe, bıylǵy jyldyń basynan beri Qazaqstanǵa kelgen qandaslardyń jartysynan kóbi Ózbekstannan, 19,3% Qytaıdan, 13% Reseıden, 6,3% Túrkimenstannan, 5,3% Mońǵolıadan kelgen.
Olar negizinen Almaty, Mańǵystaý, Túrkistan, Jambyl oblystaryna qonystanǵan.
Bıylǵa jyldyń 1 sáýirindegi jaǵdaı boıynsha eńbekke qabiletti qandastardyń sany 69,1 paıyzdy qurasa, 22,3 paıyzy eńbek jasyna tolmaǵan, al 8,6 paıyzy zeınetker.
Pikir qaldyrý