Halyqtyq Parlament 19 naýryzda ótken máslıhat jáne májilis depýtattaryn saılaý nátıjelerine qarsy mıtıń ótkizdi. Rysbek Sársenbaı men Muhtar Taıjan bastaǵan narazylyq bildirýshiler qatarynda Inga Imanbaı, Sanjar Boqaev syndy qoǵam belsendileri de bar.

Mıtıńke prokýratýra ókilderi kelip, sherýdiń zańsyz ekenin aıtyp, sherýge shyǵýshylardan taraýyn surady.

Alaıda narazylyq bildirýshiler prokýratýra ókilderine qarsy shyǵyp, sherýdi toqtatpady. Zańger Álnur Iláshev mıtıń kezinde quqyqbuzýshylyq oryn almaıtynyn, halyqtyń beıbit sherýge shyǵýǵa quqyǵy bar ekenin aıtyp, prokýratýra ókilderine jaýap berdi.

Mıtıńe shyǵýshylardyń qolynan "Jeltoqsan men qańtardy umytpaımyz. Keshirmeımiz" degen urandy da baıqaýǵa bolady. Sherýge jeltoqtanshylar da qatysty.

Halyqtyq Parlament saılaý nátıjeleri men separatızmge qarsy qaýly qabyldap, sherý sońynda Qazaqstannyń ánurany shyrqaldy.

Mıtıń barysynda zańbuzýshylyqtar oryn alǵan joq. Narazylyqqa shyqqandar beıbit túrde tarqady.