Qysta jylýsyz qalǵan Ekibastuz turǵyndary qaladan jappaı kóship jatyr. Kenshiler qalasynda páter satylymy kóbeıip, baǵasy arzandap ketken. Saýda–sattyq saıttarynyń birinde bir táýlik ishinde 200 ge jýyq úı satylymǵa shyqqan. 

Qystaǵy apattan keıin jarnama saıttarynda "páterimdi satamyn, ne jalǵa beremin" degen habarlamalar kóbeıgen. Sonymen qatar, baspana baǵasy óte arzan ekenin baıqaýǵa bolady. Buryn 9–10 mıllıon teńge turǵan bir bólmeli páterler 4–5 mıllıonnyń shamasynda bolsa, eki bólmeli páterler quny 7 mıllıon teńgege tómendegen.

Qala turǵyndarynyń málimdeýinshe, olar jylý ortalyǵynyń jóndeletinine senbeı, qystaǵy jaǵdaı qaıtalanady dep qorqady. Al qala ákimdigi kelesi jylytý maýsymyna deıin jylý ortalyǵyndaǵy segiz qazandyq jóndeletinin aıtyp keledi. 

Eske sala keteıik, ótken qysta Ekibastuzda tozǵan jylý jelileri birneshe jerden jarylyp, iri apat bolyp, júzge jýyq turǵyn úı jylýsyz qalǵan bolatyn. Búginde apatqa ushyraǵan úılerdiń jartysyna jýyǵy ystyq sýsyz otyr. 

Derekkóz: informburo.kz