Kezdesýde Almaty ákimi Erbolat Dosaev pen AQSH Saýda palatasynyń aǵa vıse-prezıdenti Kýsh Choksımen ekonomıkalyq baılanystardy nyǵaıtý jáne qalanyń bıznes-ekojúıesin damytý máselesin talqylady.

Almaty respýblıkanyń iri qalasy jáne qarjy ortalyǵy retinde Qazaqstan men AQSH arasyndaǵy saýda men ınvestısıalardy ilgeriletýde mańyzdy ról atqarady. Qalada 128 birlesken kásiporyn men 399 amerıkalyq kompanıa bar, al Qazaqstanda barlyǵy 695 kompanıa tirkelgen.

Qala basshysy atap ótkendeı, Almaty ınvestısıalyq tartymdy bolyp qala beredi jáne muny halyqaralyq agenttikterdiń reıtıńteri rastaıdy. Shaǵyn jáne orta kásiporyndar qala ekonomıkasynyń shamamen 60% alady jáne onyń ósýiniń negizgi qozǵaýshy kúshi bolyp tabylady. 

Kezdesý qorytyndysy boıynsha taraptar ekijaqty qatynastardy odan ári damytý, ınvestısıalar tartý jáne Almaty men AQSH arasyndaǵy ekonomıkalyq baılanystardy keńeıtý týraly ýaǵdalasty.