Almatyda 2023 jyly ǵaryshtan túsirilgen sýretterdiń kómegimen 6 ruqsat etilmegen qoqys orny anyqtaldy

Almaty qalasy boıynsha Ekologıa departamentiniń habarlaýynsha, qazirgi ýaqytta olardyń barlyǵy  joıyldy. Ótken jyly 12 ruqsat etilmegen qaldyqtar orny anyqtaldy, olar da alynyp tastaldy jáne kináliler jazalandy.  ÓKQ brıfıńinde júrgizilip jatqan jumystar týraly megapolıstiń ekologtary egjeı-tegjeıli aıtyp berdi.

«QazaqstanǴaryshSapary «UK» AQ Geoservısiniń derekterine sáıkes Almaty qalasynyń aýmaǵynda 2022 jyly 12 ruqsat etilmegen túrmystyq jáne qurylys qaldyqtar orny anyqtaldy, sonynyń ishinde Medeý aýdanynda  ruqsat etilmegen qaldyqtar orny 8 núkte, Túrksib aýdanynda 2 núkte, Alataý aýdanynda 2 núkte tirkeldi,   jergilikti atqarýshy organdardyń kúshterimen 12 oryn tazalanyp shyǵaryldy. «QazaqstanǴaryshSapary» UK» AQ geoservısindegi jumys jalǵasýda jáne turaqty baqylaýda», - Almaty qalasy boıynsha Ekologıa departamenti basshysy orynbasarynyń mindetin atqarýshy Erlan Jaqıanov. 

Jýrnalısiń suraǵyna jaýap bere otyryp, Departamenttiń memlekettik ekologıalyq baqylaý bóliminiń bas mamany Nurjan Bólekbaev Almatyda ártúrli jyldary qaldyqtardy jınaıtyn oryndardyń sany anyqtalǵanyn aıtty.

«Geoservıstiń derekterine sáıkes 2019 jyly Almatyda 86 ruqsat etilmegen qaldyqtar orny tirkelgen, olar negizinen qalaǵa jańadan qosylǵan aýmaqtardan tabylǵan. Apattyq polıgondar qoqys shyǵaratyn kompanıalar men qoqys shyǵarýmen aınalysatyn jeke tulǵalardyń josyqsyz jumysynan paıda bolady. Zertteý nátıjeleri boıynsha departament ákimderge hat joldady, sondyqtan búgingi kúni barlyǵy joıyldy», - dep bólisti ol.

2020 jyly Almatyda 24 ruqsat etilmegen qaldyqtar orny, 2021 jyly - 17 oryn tirkeldi. Barlyǵy jergilikti atqarýshy organdardyń kúshterimen joıyldy dep aıtylady. 

Sonymen qatar, Departament apta saıyn Almaty qalasynyń aýdandary boıynsha ákimdiktermen birlesip reıdter ótkizedi jáne stıhıalyq qoqys úıindileriniń paıda bolýyn boldyrmaý boıynsha tıisti sharalar qabyldaýda. 

Departament eger turǵyndar orynsyz jerde qoqys shyǵarylǵanyna kýá bolsa nemese qoqys tastaıtyn jerlerdi tapsa, kelesi telefon nómirleri boıynsha habarlasý qajet ekenin habarlady: 239-11-03, 239-11-05.