Janbolat Mamaıdyń advokaty Ernar Kenjebaev negizgi sot talqylaýy kezinde qorǵaýyndaǵy azamattyń quqyǵy buzylǵanyn aıtyp, Konstıtýsıalyq sotqa shaǵymdandy. Bul týraly jýrnalıs Inga Imanbaı facebook jelisindegi paraqshasynda habarlady. 

“Advokat qorǵaý quqyǵy buzyldy dep esepteıdi, óıtkeni prokýror aldymen ortasha aýyrlyqtaǵy baptarmen aıyptaý qorytyndysyn shyǵardy, sodan keıin olardy sot talqylaýy kezinde aýyr dep sanady, bul sot pen zań aldynda barlyǵynyń teń bolýyna múmkindik beretin Konstıtýsıaǵa qaıshy. Sonymen qatar Janbolat Mamaıǵa qoıylǵan shekteýler de onyń azamattyq jáne saıası quqyqtaryn taptaý dep sanaımyz. Sondyqtan, Joǵary sotqa kasasıalyq shaǵym túsirmesten buryn Konstıtýsıalyq sotqa júginýdi jón sanadyq”, – dep jazdy jýrnalıs.

Bul shaǵymnan bólek, Janbolat Mamaıdyń ózi Bostandyq sotyna qoǵamdyq-saıası jáne jýrnalısik qyzmetpen aınalysýǵa tyıym salýǵa qatysty úkimin naqtylaý týraly ótinish jazǵan. Atap aıtqanda, sotqa onyń quqyq qorǵaý qyzmetimen aınalysa ala ma, azamat retinde suhbat berýge quqyǵy bar ma, joq pa degen suraqtar qoıyldy.

Sot otyrysy onlaın rejımde 15 qyrkúıekke belgilendi.