Qarjylyq monıtorıń agenttiginiń baspasóz qyzmeti Qaırat Boranbaevqa qatysty qylmystyq jolmen alynǵan múlikti zańdastyrýǵa baılanysty sotaldy tergeý jalǵasyp jatqanyn habarlady. 

Tergeý sheńberinde jalpy quny 90 mıllıard teńgeden asatyn aktıvterdi, onyń ishinde: munaı ken ornyn, gaz taratý kompanıasyn, servıs salasyndaǵy kásiporyndy, qonaq úı jáne saýda-oıyn-saýyq keshenderin, fıtnes ortalyqtar jelisin, keńse úı-jaılaryn jáne basqa da aktıvterdi memleket menshigine erikti túrde qaıtarý jóninde sharalar qabyldanǵan.

Sondaı-aq, Qaırat Boranbaev Bilim berý ınfraqurylymyn qoldaý qoryna 30 mıllıard teńge aýdardy. Osy obektilerdiń barlyǵy memlekettik organdar men kompanıalardyń balansyna beriletini habarlandy, al aqshalaı qarajat bilim berý ınfraqurylymyn damytý úshin paıdalanylady.

Aıta keteıik, buǵan deıin Qaırat Boranbaev tabıǵı gaz ımporty kezinde qarajatty jymqyrý boıynsha 14,5 mıllıard teńge kóleminde materıaldyq shyǵyndy ótegen bolatyn.

Eske salaıyq, buǵan deıin prokýror Qaırat Boranbaevty 8 jylǵa bas bostandyǵynan aıyrýdy suraǵan bolatyn. Keıinirek Qaırat Boranbaev qansha jylǵa sottalǵany belgili boldy.

Sonymen qatar, sotta Boranbaevtyń qandaı múlki tárkilenetini aıtylǵan edi.