1 qazanynan bastap tumaýǵa qarsy vaksına salynady. Bas memlekettik sanıtarlyq dáriger Nurqan Sádýaqasov epıdemıaǵa qarsy is-sharalar júrgizý týraly qaýlyǵa qol qoıdy.

Qaýlyda myna baǵyttar boıynsha jumystar júrgiziletini aıtylǵan:

 – 1 qazannan bastap tumaýǵa qarsy ekpe egý;

– Medısınalyq uıymdarda kire beriste maskalardy qoldanýdy jáne antıseptıkterdiń bolýyn qamtamasyz etý;

– Jiti respıratorlyq vırýstyq ınfeksıalar men tumaý belgileri bar júkti áıelder men bir jasqa deıingi balalardy úıge shaqyrý boıynsha qyzmet etý;

– Mektepke deıingi uıymdarda kúndelikti tańerteńgi tekseris ótkizý, JRVI jáne tumaý belgileri bar balalardy anyqtaý.

–  Orta bilim berý uıymdarynda: bir ınkýbasıalyq kezeń ishinde bir synypta 20-dan 30%-ǵa deıingi oqýshylar arasynda JRVI aýrýyn tirkegen kezde aýdıtorıalyq oqytý júıesin joıý usynylady. Synypta naýqastardyń 30%-dan astamy bolsa, oqýshylar onlaın oqytýǵa kóshedi.