First Heartland Jusan Bank Qazaqstan qor bırjasynda «Qazaqtelekom» AQ-tyń 983 myń jaı aksıasyn satyp aldy. Bul – baılanys operatorynyń ornalastyrylǵan jaı aksıalarynyń 9 paıyzy ǵana, – dep habarlaıdy banktiń baspasóz qyzmeti.

QAMS sarapshylarynyń pikirinshe,  KASE-degi «Qazaqtelekom» aksıalarynyń kúndizgi saýda-sattyq kólemi 32,8 mlrd teńgege (70 mln dollardan astam) qarjyny quraıdy. Ári bul qazaqstandyq mınorıtarlyq aksıonerler qaýymdastyǵy (QAMS) bul iske eks-prezıdenttiń nemere inisi, sottalǵan Qaırat Satybaldynyń qatysy bolýy múmkin degen boljam aıtady.

Sondaı-aq satyp alynǵan aksıalardyń kólemi BANK OF NEW YORK MELLON DRS (9,77%) nomınaldy ustaýshysynyń paketimen sáıkes keledi. Jusan tobynyń aksıonerleri arasynda aksıalardy qaıta bólý týraly bolǵan. Qarjy ınstıtýty Jusan Bank-tiń Qazaqtelekomnyń 9,18 paıyz jaı aksıalaryn satyp alǵanyn rastaı otyryp, olardyń baǵasy «satyp alý kezinde KASE-de qalyptasqan naryqtyq baǵa» ekenin kórsetedi.

Al KASE caıtynda mundaı bir kúndik «berekeli» saýda kóleminiń tutas bir jylǵy kórsetkishi – $81,2 mln-nan sál ǵana az ekeni jazylǵan. QAMS málimetteri boıynsha, dúısenbide 980 myńnan astam aksıa (ornalastyrylǵan aksıalar sanynyń 9,15%) bir shottan ekinshisine ótken. 11 qyrkúıektegi mámile Astana ýaqytymen 16:27-de bir aksıaǵa 33 370 teńge baǵamen úsh transh retinde jasalǵan.

Aıta keteıik, buǵan deıin Jusan Bank «Kcell» AQ-pen qyzmet kórsetýge baılanysty bank isi salasynda birlesken jobany júzege asyryp, aksıalardyń 10 paıyzdan astamyn ıelengen bolatyn. Sondaı-aq, Kcell uıaly baılanys operatoryna «Qazaqtelekom» (51%), «First Heartland Jusan Bank» (9,08%) jáne «Biryńǵaı jınaqtaýshy zeınetaqy qory» (7,06%) ıelik etedi. Osylaısha, bank Tele2/ALTEL jelisi negizinde Jusan Mobile vırtýaldy uıaly baılanys operatoryn iske qosqan bolatyn.