Quqyq qorǵaýshylar "Almaty áýejaıyn basyp alý isi" boıynsha 4 jylǵa bas bostandyǵynan aıyrylǵan belsendi Áıgerim Tileýjandy saıası tutqyn dep tanydy. Quqyq qorǵaýshylardyń saraptamalyq keńesiniń sheshimi týraly 13 qyrkúıekte "Ar.Rýh.Haq" qoǵamdyq qorynyń prezıdenti Baqytjan Tóreǵojına habarlady.

Tileýjanova Áıgerim, belsendi, jýrnalıs, kásibı aýdarmashy. Birneshe ret óziniń belsendi azamattyq ustanymy úshin aıyppuldar men qamaýǵa alý túrindegi ákimshilik jazalarǵa tartylǵan. A. Atabekti eske alý rásimine qatysqany úshin ákimshilik qamaýǵa alynǵan A. Tileýjanova 2022 jyldyń 5 qańtarynda arnaıy qabyldaǵyshtan keshke bosatylady da, Jańaózen qalasyn qoldaýǵa mıtıńke shyqqandardy qoldaý úshin Respýblıka alańyna bet alady. Kelesi kúni UQSHU kúshterin engizý týraly aqparattan keıin, ol alańǵa narazylyqpen qaıta shyǵady, sodan keıin Reseıden áskerılerdiń kelýine kóz jetkizý úshin belsendilermen birge áýejaıǵa barady. Áskerılerdiń bolmaýyna kóz jetkizip, ol qaıtyp ketedi. Alaıda, oǵan qylmystyq is qozǵalyp, 11.07.2023 j. úkimimen kináli dep tanylǵan, QR QK 272-babynyń 1-bóligi boıynsha 4 jyldyq merzimge bas bostandyǵynan aıyrý jazasy kesilgen. 

Apelásıalyq satydaǵy sot 2023 jyldyń 19 qyrkúıegine taǵaıyndaldy.

"Almaty áýejaıyn basyp alý isi" boıynsha Áıgerim Tileýjannan bólek taǵy tórt adam sottalǵan. Sot olardyń árqaısysy 8 jylǵa bas bostandyǵynan aıryldy.