Mańǵystaý oblysy Torysh alqabyndaǵy erekshe «sharlardy» buzaqylar tonap, qıratyp jatyr. Bul týraly senator Bekbol Orynbasar óziniń depýtattyq saýalynda aıtty.  

Senator  bul aımaqtyń týrısik áleýeti jaqsy ekenin atap ótti. Mundaı biregeı tabıǵı «sharlar» álemniń sanaýly elderinde ǵana bar. Olardyń barlyǵy osy tabıǵı baılyqtyń týrısik barynsha paıdalanýda.

«Ókinishke qaraı, Torysh alqabyndaǵy erekshe «sharlar» sıaqty tabıǵat syılaryna nemquraıly qaraǵandyqtan, olardy tonaýshylar talqandap, urlap ketedi.Keıbir dámhana, meıramhana ıeleri, aýqatty azamattar bul tastardy óz aýlalarynda áshekeı retinde paıdalanyp júr», - dep qorytyndylady senator.

Depýtat atap ótkendeı, qazirgi ýaqytta bul tastardyń mártebesi normatıvtik qujattarmen bekitilmegen.

«Sondyqtan,  isker azamattar osy biregeı «sharlardy» sata bastaǵan. Osyǵan baılanysty Torysh alqabyn erekshe qorǵalatyn tabıǵı aýmaq dep tanyp, ony Mańǵystaý oblysynyń týrısik baǵytyna qosý mańyzdy», - dep senator usynys tastady.

Buǵan deıin Mańǵystaý oblysyndaǵy áıgili Torysh alqabynda biregeı tastar – shar tárizdi mıneraldy túzilimder, túıinder urlanatyny máselesin qazaqstandyq bloger Áset Mýrzabaev kórsetken bolatyn.