Bul kazıno tek Qazaqstanda ǵana emes, sonymen qatar TMD elderinde de jumys istedi.

  «Onlaın-platforma myńdaǵan qandastarymyzdyń qatysýymen zańsyz oıyn bıznesin uıymdastyrýmen qatar, tıisti lısenzıasyz býkmekerlik qyzmetterdi de kórsetti. Qarajat ınternet-ekvaırıng arqyly jáne aýtentıfıkasıasyz qabyldandy, bul tipti kámeletke tolmaǵandardyń da qumar oıyndarǵa qatysýyna múmkindik berdi», – dedi AFM oblystyq departamentiniń baspasóz qyzmeti.

Qazaqstan zańnamasyna sáıkes, elimizde onlaın-kazıno qyzmetine tyıym salynǵan, al býkmekerlik qyzmet tıisti lısenzıa bolǵan jaǵdaıda ǵana kórsetiledi.«Qazirgi ýaqytta zańsyz oıyn bıznesin uıymdastyrýshy kúdikti retinde tanylyp, tergeý jedel-izdestirý sharalary júrgizilýde.Qazaqstan Respýblıkasy Qylmystyq-prosestik kodeksiniń 201-babyna sáıkes ózge málimetter jarıa etýge jatpaıdy», – dep túıindedi vedomstva.