Ádilet mınıstrliginiń resmı ókili Talǵat Ýálı alaıaqtar azamattardy sendire túsý úshin jalǵan káýilik usynatynyn aıtyp, eskertý jasady.

«Sońǵy ýaqytta alaıaqtar Qazaqstan Respýblıkasy Ádilet mınıstrligi basshylyǵynyń atynan azamattarmen baılanysyp, jeke málimetterdi surap jatyr. Ádilet mınıstrligi jeke derekterdi (aty-jóni, JSN, meken-jaıy, telefony) úshinshi tulǵalarǵa jáne kúmándi ınternet-resýrstarǵa  jarıalamaýyn suraıdy», – dedi Talǵat Ýálı azamattarǵa.

Este saqtańyzdar, Departament basshylyǵy men Ádilet mınıstrliginiń qyzmetkerleri telefon qońyraýlary men SMS arqyly derekterdi suramaıdy. Alaıaqtar baılanysqan jaǵdaıda quqyq qorǵaý organdaryna habarlasý qajet.

Ádilet mınıstrliginiń qyzmeti jaıynda aqparatty 119 telefony boıynsha baılanys ortalyǵynan alýǵa bolady.