Besqaraǵaı aýdany, Jetijar aýylynyń turǵyny sibir jarasy aýrýyna shaldyqqan degen kúdikke ilindi. Naýqas PTR testinen ótti, qazirgi ýaqytta aýrý rastalmady.

Tótenshe jaǵdaılardyń aldyn alý jáne joıý jónindegi jospardan tys oblystyq komısıanyń otyrysynda halyqtyń qaýipsizdigin qamtamasyz etý maqsatynda jergilikti aýqymda tabıǵı tótenshe jaǵdaı jarıalaý týraly sheshim qabyldandy.

Qazirgi tańda Jetijar aýylynyń kire berisine sanıtarlyq beket ornatylyp, aýyldan aýyl sharýashylyǵy ónimderin shyǵarýǵa ýaqytsha shekteý qoıyldy.

Sondaı-aq, jaǵdaıdyń sebepterin anyqtaý úshin aýdıtorlyq jumystar júrgizilip jatyr.

Esterińizge salsaq, sibir jarasy aýa tamshylary arqyly taralmaıdy. Jara aýrý maldyń eti, teri, júni nemene lastanǵan taǵamdar men aýyz sýdy iship-jeý arqyly juǵýy múmkin.