Iaǵnı, belgisiz bot kez kelgen qazaqstandyqtyń telefon nómiri men turaqty mekenjaıyn, jumys ornyn izdegen janǵa ońaı taýyp berip otyrady. Bastapqyda bot ózine jazylýshylardy tartý maqsatynda jeke derekterdi tegin taýyp bergen. Keıinirek ol qyzmetteri aqyly túrge aýysqan. Onda da tólemdi reseı rýblinde tóleýdi suraıdy. Buǵan qatysty QR Sıfrly damý, ınovasıalar jáne aeroǵarysh mınıstrligi ár azamat ózi týraly aqparatty áleýmettik jelidegi paraqshalary men túrli onlaın platformalar arqyly kórsetkendikten, olar týraly jeke derekteri de qoljetimdi bolatynyn aıtady.

• Qazirgi ýaqytta mınıstrlik derbes derekterdiń taraǵany úshin jaýapkershilikti qatańdatý jóninde sharalar qabyldap jatyr. Telegram bottar turǵylyqty mekenjaılary boıynsha eski málimetterdi kórsetedi. Sonymen qatar keıbir mekenjaılar jalpyǵa qoljetimdi kózderde nemese taýarlar men qyzmetterdi jetkizý jelilerinde kórsetilýi múmkin, – deıdi mınıstrlik.