Vıdeoda tynyshtandyrýǵa tyrysqan eki dárigerge er adamnyń qarsylyq kórsetip jatqany aıqyn kórinedi. İs nasyrǵa shaýyp, tóbeles bastalǵannan keıin medısına qyzmetkerleri naýqastardy bólek palataǵa aparyp, basqa personaldy kómekke shaqyrǵan.
Shymkent qalasynyń Densaýlyq saqtaý basqarmasy oqıǵanyń sebebin anyqtap, habar berdi.
"20 qyrkúıek kúni saǵat 19:50-de Gıperbarıalyq oksıgenasıa ortalyǵyna 1995 jylǵy azamat jedel medısınalyq járdem kóligimen jetkizilgen. Jaqyndarynyń aıtýynsha, pasıent ýly suıyqtyq ishken. Dárigerler naýqasty tekserip, psıhıkalyq qozý jaǵdaıynyń bolýyna baılanysty em sharalaryn júrgizý maqsatynda jansaqtaý bólimine kirgizgen. Alaıda naýqas kómek kórsetýge qarsylyq bildirip, medısınalyq qyzmetkerlerge kúsh kórsetken", - dep jazdy.
Aýrýhanany shýlatqan naýqasty eki dáriger áreń tynyshtandyrdy. Oqıǵa ornynda naýqastyń týysqandary da bolǵan. Vıdeony jaqyndarynyń biri túsirgen. Aqparat polısıaǵa jetkizildi.
Aıta keteıik, buǵan deıin Talǵardaǵy aýrýhanada qaıtys bolǵan naýqastyń týysqandary dárigerlerdi soqqyǵa jyqqany týraly habar taraǵan. Atalǵan is boıynsha tergeý júrgizilip jatyr.
Posmotret etý pýblıkasıý v Instagram
