Pavlodar oblysy PD uıymdasqan qylmysqa qarsy kúres basqarmasynyń qyzmetkerleri “Ertis ormany” erekshe qorǵalatyn aýmaǵynan ormandy zańsyz kesý jáne urlaý faktilerin anyqtaý boıynsha jedel-izdestirý is-sharalarynyń keshenin ótkizdi.

«Polısıa qyzmetkerleri “Ertis ormany” RMM-de, Shaldaı jáne Besqaraǵaı ormanshylyǵynda, sondaı-aq birqatar basshylardyń turǵylyqty jeri boıynsha 20-ǵa jýyq sanksıalanǵan tintý is-sharalaryn júrgizdi. Tintý kezinde qujattamadan basqa atys qarýy, oq-dáriler jáne ózge de zattaı dáleldemeler tárkilendi. Qazirgi ýaqytta QK-niń 188-baby 2-bóligi boıynsha sotqa deıingi tergeý bastaldy» – delingen habarlamada.

Boljamdy málimetter boıynsha ormandy zańsyz kesýge “Ertis ormany” RMM-niń laýazymdy tulǵalary qatysty bolýy múmkin.  QR Qylmystyq prosesýaldyq kodekstiń 201-baby negizinde ózge aqparat jarıa etilmedi.