Atalǵan merzimde 2022 jylǵa arnalǵan jeke múlik salyǵyn tóleý merzimi aıaqtalady. Salyq tóleýshiler: jeke úıleri, páterleri, saıajaılary, garajdary jáne basqa da ǵımarattary bar tulǵalar.

Almaty qalasy Memlekettik kirister departamenti baspasóz qyzmetiniń habarlaýynsha, tólem merziminiń aıaqtalýyna sanaýly kúnder qalsa da, 55 644 almatylyq turǵyn jalpy somasy 735 mıllıon teńge salyq tólemegen. Salyqtyń negizgi bóligi Almatynyń Medeý aýdany turǵyndaryna, kásipkerlerine tıesili. Onyń kólemi – 315 mıllıon teńge.

«Tólem merzimi ótkennen keıin salyq zańnamasynyń normalaryna sáıkes salyqty tólemegen tulǵalar banktik qyzmetterdi ala almaıdy, onyń ishinde banktik shottardy ashý, aýdarymdar jasaý, nesıe alý jáne t.b. Keshiktirilgen árbir kún úshin 1,00 Ulttyq bank belgilegen qaıta qarjylandyrýdyń resmı stavkasynyń 25 eselengen mólsherinde ósimpul alynady», – dep habarlady Almaty qalalyq Memlekettik kiris departamenti.

Sonymen qatar, májbúrlep óndirip alý maqsatynda salyq organdary sot oryndaýshylaryna salyq uıǵarymdaryn jiberedi, olar boryshkerlerge, onyń ishinde múlkine jáne bank shottaryna tyıym salý, sondaı-aq elden tysqary jerlerge shyǵýdy shekteý sharalaryn qabyldaıdy. Mundaı jaǵdaılarda salyq beresheginen bólek qaryz somasynyń 25 paıyzyn quraıtyn sot shyǵyndary ustalady.

Salyq tólemeýge baılanysty keleńsiz jaǵdaılardy boldyrmaý úshin salyq qyzmetkerleri jeke tulǵalarǵa jaqyn kúnderi múlik salyǵyn tóleýdi eskertedi.