1937 jyldyń 27 qyrkúıeginde qazaqtyń uly tulǵasy, Alash arysy Álıhan Bókeıhanov jalǵan aıyppen Máskeýde ólim jazasyna kesilgen. 

Úkim sol kúni-aq oryndaldy.

XX ǵasyrdyń basynda ult táýelsizdigi úshin kúresken Álıhan Bókeıhanov 1866 jyly 5 naýryzda qazirgi Qaraǵandy oblysy Aqtoǵaı aýdanynda dúnıege kelgen.

Moldadan álipbı úırenip, keıin 3 jyldyq mektepte oqyǵan ol keıin Omby tehnıkalyq ýchılıshesin, Peterbor ýnıversıtetiniń zań fakúltetin támamdaǵan. 

Álıhan Bókeıhanuly bastaǵan Alashtyń asqaq armany – qazaq memleketin qurý edi. 1917 jyly shildede Orynborda birinshi jalpyqazaq sezinde Alash ulttyq saıası partıasy zańdastyrylyp, Alash úkimetin qurýǵa qadam jasaldy.

Al sovet úkimeti ornaǵannan keıin Álıhan Bókeıhanov qýǵynnan kóz ashpady. Oǵan ultshyl degen aıyp taǵylyp, Máskeýge jer aýdaryldy. Sonda da qazaq memleketiniń tutastyǵy jolynda kúresin toqtatpaı, maqalalar, baıandamalar jazǵan Álıhan Bókeıhanov aqyry 1937 jyly atý jazasyna kesildi. 

Qýǵyn-súrgin jyldary qazaqtyń 25 myńǵa tarta mańdaıaldy azamaty atyldy.

Álıhan Bókeıhanov ıisi qazaqtyń sanasynda máńgi jańǵyrady, saqtalady!