«Ómir boıyna ketesiń, Chelahtyń qasyna barasyń" dedi. Men sol kezde qoryqtym, buǵan ne úshin moıyndaýym kerekpin degen kezde, "moınyńa ala sal, senderge shartty jaza beredi, shyǵyp ketesińder" dedi. Bizdi bala sıaqty aldady. Men kináli emespin, eshteńe órtemedim. Al prokýrorlar muny biledi. Men aqtaý úkimin suraımyn», – dedi aıyptalýshy.

Shymkentte 20 jastaǵy qos sarbaz Erbolat Turanov pen Áset Áshirbaı sotta sońǵy sózin sóıledi. Bul isti jarty jyldan asa ýaqyt sot qaraýynda boldy. Sońǵy tyńdalym keıinge shegerildi. Osy ýaqyt ishinde 300-ge jýyq kýáger suralyp, 750-den asa tom is pen aıyptaý aktisi oqyldy. Aıyptaýlar korpýsynda sarbazdardan bólek taǵy tórt adam bar. Olarǵa abaısyzdyq jáne qarýmen jumys isteý erejelerin buzdy degen aıyp taǵylyp otyr.