"QR azamattary men "Qazposhta" klıentterine sálemdemeni jetkizýdi toqtatý týraly habarlamalar jiberilýde. Ózderiniń sálemdemelerin tóleý jáne alý úshin alaıaqtar kúmándi silteme boıynsha ótýdi usynady. Habarlamalar jalǵan elektrondyq poshta mekenjaılarynan jiberilýde", – delingen resmı habarlamada.

Osy oraıda "Qazposhta" AQ klıentter men onlaın-platforma paıdalanýshylaryn asa saq bolýǵa shaqyrady. Buǵan deıin fıshıngtik saıttar arqyly onlaın-taýarlardy jetkizý qyzmetterin usynatyn alaıaqtardyń jaǵdaılary tirkelgen.
"Qazposhta" AQ eskertýinshe, bank kartasynyń nómiri men CVV kodyn jarıalamaý asa mańyzdy.

"Eger siz fıshıngtik saıttaǵy siltemeni paıdalana otyryp, taýardy jetkizý tólemin jasaýdy sheshseńiz, bul sheshim úshin ózińiz jaýapty bolasyz. "Qazposhta" AQ habarlamalardy tek 1499 resmı qysqa nómirinen joldaıdy", – dep jazdy "Qazposhta" AQ baspasóz qyzmeti.