«Hareket» qory 1000-ynshy baspanasyn tabystady

/image/2023/10/06/crop-176_386_2436x4331_55c84346-156f-4b51-a86e-ea2d371cb57f.jpg

Bul jolǵy qýanysh ıesi Taldyqorǵan qalasynyń kishkentaı turǵyndary boldy. Mezgilsiz qaıtqan jarynyń artynan kete barǵan ananyń bes balasy qamqorshysyz, baspanasyz qalyp qoıdy.

Taǵdyr taýqymetin erte kórgen kishkene qyz anasy qaterli isik dıagnozy qoıylǵannan keıin kóp uzamaı qaıtys bolǵanyn aıtady.

– Aýyryp júrgeninde as-sýyn ózim berdim. Kóz aldymda baqıǵa attandy. Bulaı tez ketedi dep oılamaǵan edik. Juma kúni ketti jáne jumada túsime kirip: «Baýyrlaryńa bas-kóz bol!» dep tapsyrdy. Sol kúnnen beri bar jaýapkershilik moınymda, tórteýine áke ornyna áke, sheshe ornyna sheshe bolyp júrmin, – dep qordan kómek suraǵan.

Bes baýyrdy bir-birinen aıyryp, jetimder úıine alyp ketýden saqtaýdyń negizgi joly – baspana alyp berý. Árkimge bir jaýtańdatpaı óz shańyraǵy bolsa qaıtys bolǵan ata-ananyń shyraǵy sónbes. Jetim-jesirin jylatpaǵan qazaqtyń keń peıildi tulǵalarynyń arqasynda taǵy bir muqtaj jandardyń tilegi oryndaldy. 

Gúlmıra Muhanqyzy jetekshilik etip otyrǵan qoǵamdyq qor «1000 teńgege baspana» uranymen 2017 jyldyń 7 qazanynda qurylǵan. Janashyr, jomart adamdardyń arqasynda az ǵana ýaqyttyń ishinde myń teńge uranynan 1000 úı alýǵa da jetti. Jetim-jesirin jylatpaı, taǵdyr taýqymetin tartqan jandardyń júregindegi sońǵy úmittiń sham shyraǵyn sóndirmeý úshin qor ıgi isterdi atqara bermek.

27 qazanda «Hareket» qory óziniń 6 jyldyq mereıtoıyn atap ótedi. Soǵan oraı barlyq janashyr jandardyń basyn qosyp, Almaty arenada estradamyzdyń jaryq juldyzdarynyń qatysýymen úlken qaıyrymdylyq konsertin ótkizýdi josparlap otyr.

Bıletterdi zakazbiletov.kz saıtynan satyp ala alasyzdar!

 

 
 
 
Posmotret etý pýblıkasıý v Instagram
 
 
 

Pýblıkasıa ot Hareket Qaıyrymdylyq qory (@xareket_qory_official)

Qatysty tegter :

Pikir qaldyrý

Qatysty Maqalalar