Vedomstvoda ótken brıfıńte BAQ ókilderi Aıbek Smadıarovtan: «Mıllıondaǵan aýdıtorıasy bar tanymal reseılik endokrınolog Reseı Qazaqstanǵa shabýyldaýǵa májbúr degen pikir bildirdi. Syrtqy ister mınıstrligi mundaı vıdeolardy zerdeleı me? Ol persona non grata tizimine qosyla ma?» dep suraǵan bolatyn.

Bul suraqqa Aıbek Smadıarov:

• Mıllıondaǵan aýdıtorıasy bar endokrınolog dárigerge menen duǵaı-duǵaı sálem aıtyńyz. Ol qajetsiz dúnıelerdi aıtýdyń ornyna mamandyǵymen aınalysyp, adamdardy emdegeni jón. Reseımen qarym-qatynasymyz óte jaqsy, tatý kórshimiz. Dos, strategıalyq seriktestmemleketter retinde jumys isteımiz», – dep jaýap berdi. 

Sondaı-aq jýrnalıserdiń «Qazaqstan jaıly teris pıǵyldy pikir bildiretin adamdardyń tizimine qatysty suraǵyna SİM resmı ókili: «Árıne, biz mundaı tizim júrgizemiz. Biraq, ol jumys tizimi jáne ony jarıa etpeımiz. Sanyn da aıta almaımyn. Mundaı adamdarǵa shekara jabylady, elimizge kire almaıdy» degen jaýabyn berdi.