Taraz qalasynyń prokýrory Jambyl Smatov,:

— Anasy balasynan bas tartatyn bolǵan. Medısına qyzmetkerleri ony paıdalanyp, paıda tabý jáne óz nıetin júzege asyrý maqsatynda bir jarym mıllıonǵa satyldy dep jatyrmyz ǵoı. Ol jerde árqaısynyń qarajattan óz úlesi bar.

Prokýratýra bul istiń naqty qalaı áshkere bolǵanyn ashyp aıtpady. Belgilisi, balany baýyryna basqysy kelgen 39 jastaǵy áıel Taraz qalasynyń turǵyny. Onyń jeke basy jaıly ózge málimet joq. Osy derek boıynsha medısına qyzmetkerlerinen bólek, sábıdi alýshy da, týǵan anasy da, deldal da jaýapqa tartylady. Eki akýsher 12 jylǵa deıin jazaǵa tartylýy múmkin. Olar tergeý qapasynda jatyr. Al tiri taýarǵa aınalǵan náreste balalar úıine jetkizildi.

 «Úmit» balalar úıiniń dırektory Gúlaıym Mánibaeva:

— Bul bala keshe polısıa qyzmetkerlerimen túngi saǵat 1:33-te bizge túsken. Shamamen 20 kúndik balaǵa uqsaıdy. Salmaǵy 3 keli 420 gr. Denesi taza, densaýlyǵy jaqsy.

Azanda men ózim kirip shyqtym, jaǵdaıy jaqsy. Búldirshinge áli at qoıylǵan joq. Mundaǵylar ony «belgisiz jan» dep atap júr. Túbi jańa týǵan sábı osy jerde qalatyn túri bar. Óıtkeni onyń sheshesi ana quqyǵynan aıyrylýy múmkin. El arasynda tiri taýardyń anasy 36 jastaǵy Jambyl aýdanynyń týmasy ekeni aıtylýda. Jáne onyń budan ózge de balalary bar kórinedi. Ol qamaýǵa alynǵan joq. Qolhatpen úıine jiberilgen,  – deıdi.