2023 jylǵy 1 qyrkúıektegi jaǵdaı boıynsha, Qazaqstan halqynyń sany 19,9 mln adamdy qurady, bul byltyrǵydan 1,41% artyq. Bul týraly finprom.kz jazdy.

Bıyl jyl basyna qaraı elimizde 19,8 mln adam bolsa, jyldyq ósim 1,35%. Jalpy, el halqynyń ósý qarqyny 1,28%–1,49% deńgeıinde. Erekshelik 2022 jyl boldy. Ol kezde halyq sanynyń 3,3% ósýi alǵash ret tirkeldi.

2023 jylǵy 1 qyrkúıektegi jaǵdaı boıynsha, halyq sany eń kóp óńirler Almaty qalasy (2,2 mln adam), Túrkistan (2,1 mln adam) jáne Almaty (1,5 mln adam) oblystary. Eń az Ulytaý, Soltústik Qazaqstan jáne Abaı oblystarynda: tıisinshe 221,5 myń, 531,7 myń jáne 608,9 myń adam.

Sonymen qatar, birqatar oblystarda: Soltústik Qazaqstan, Abaı, Jetisý, Shyǵys Qazaqstan jáne Qostanaı oblystarynda halyq sanynyń tómendeýi baıqaldy.

Genderlik kórsetkish boıynsha jyl basynda erler sany bir jylda 1,4% ósip, 9,6 mln adamǵa, áıelder sany 1,3% ósip, 10,1 mln adamǵa jetti.

Oqı otyryńyz: Qazaqstannyń 8 oblysynda halyq sany mıllıonǵa jýyq adamǵa azaıady – 2050 jylǵa boljam

Áıelderdiń jalpy sany erler sanynan 4,9% asyp tústi.

El halqynyń 35,5%-yn 18 jasqa deıingi balalar qurady: shamamen 7 mln. Elde 29 jasqa deıingi 2,7 mln jas bar.

60 pen 69 jas aralyǵyndaǵy halyq sany 1,6 mln, 70 pen 79 jas aralyǵyndaǵylar — 681,6 myń, 80 jastan asqandar — 317,3 myń.