Qazaqstandy 1989 jyldan bastap 2019 jylǵa deıin otyz jyl boıy bir ózi bılegen eks-prezıdent Nursultan Nazarbaev óziniń resmı saıty arqyly qoldaý bildirgen barsha janǵa alǵysyn bildirdi:

İnimniń mezgilsiz qaıtys bolýyna oraı aıtylǵan jyly sózder men shynaıy tilekterińizge rızashylyǵymdy bildiremin. Osyndaı aýyr sátte sizderdiń kórsetken qoldaýlaryńyz maǵan kúsh-qýat berdi.

Jaqyn adamnan aıyrylý orny tolmas qasiret. Ol uzaq jyldar boıy aýyrdy, biraq bizge eshqashan qınalǵanyn bildirtpedi.

Sońǵy kúnderi birqatar eldiń basshylarynan kóńil aıtý jedelhattaryn alyp jatyrmyn. Sondaı-aq, maǵan elimizdiń saıası jáne qoǵam qaıratkerlerinen, depýttatar men dıplomattardan, dinı qyzmetkerler men bıznes qoǵamdastyq ókilderinen, sondaı-aq kóptegen qazaqstandyqtardan hattar kelip tústi.

Qaıǵymdy bólisip, qoldaý bildirgen barlyq janǵa alǵysymdy aıtamyn. Shynaıy nıetterińizge kóp rahmet, delingen úndeýde.