Almaty qalasy boıynsha Memlekettik kirister departamenti kásipkerlerge belsendi emes jeke kásipkerlikti jyl aıaǵyna deıin jabý usynyldy. Sebebi kelesi kezeńniń deklarasıasyna túsip qalýy yqtımal.
Almaty qalasy boıynsha Memlekettik kirister departamenti basshysynyń orynbasary Zańǵar Shyndalı qaryz mindettemelerin notarıaldy kýálandyrý jaıyn da rettestirýge keńes berdi.
“Joǵaryda atap ótkenimdeı úshinshi kezeńde deklarasıany usyný boıynsha mindetteme, eger jeke kásipker nemese zańdy tulǵa qyzmet júrgizbese de týyndaıdy. İs júzinde kásipkerlik qyzmet bolmaǵan jaǵdaıda, biz aǵymdaǵy jyldyń sońyna deıin tómendegini usynamyz:
– Eger siz jeke kásipker retinde tirkelseńiz nemese zańdy tulǵanyń basshysy bolsańyz, biraq qazirgi ýaqytta qyzmet júrgizbeseńiz, odan ári josparlamasańyz, jeke kásipkerdi nemese zańdy tulǵany jabý úshin Memlekettik kirister basqarmasyna júginýińiz kerek”, – deıdi Z. Shyndalı.
Bul jaǵdaıda kásipker jáne onyń jubaıy jalpyǵa birdeı deklarasıalaý júıesine úshinshi kezeńinde emes, tórtinshi kezeńinde ıaǵnı eseptilikti tek 2025 jyly tapsyra bastaıdy.
“Sondaı-aq 2024 jylǵy 1 qańtardan bastap 250.00 nysanyn usyný boıynsha mindettemeleri bar tulǵalar debıtorlyq/kredıtorlyq bereshekti deklarasıalaý maqsatynda boryshtyq mindettemelerdi 2023 jylǵy 31 jeltoqsanǵa deıin notarıaldy kýálandyrý qajet”, – dep qorytyndylady.
