Kópshilik kásipker Dýlat Tastekeıdi qazaq tiliniń janshyry jaqsy tanıdy. Ol ózi basqaratyn kompanıada qyzmetkerlerdiń qazaq tilinde sóıleýin talap etip qana qoımaı, qazaq tiliniń damýyna qatysty jobalarǵa demeýshilik bildirip keledi. sondaı-aq ol orys tilderindegi is-qaǵazdardy da qazaqshalaǵan.

• Tilin joǵaltqan halyqtyń bolashaǵy qurdymǵa keteetini ashshy da bolsa, aqıqat. «Ult sanasy – til» dep tegi aıtylmaǵan. Sol sebepti, san ǵasyrlar boıy arman bolǵan táýelsizdigimizge qol jetkizip, egemendi el atanǵan Qazaqstan memleketiniń nyshany – ana tilimizdi búkil tirshiligimizdiń túp qazyǵyna aınaldyrý árbir ultjandy azamattyń basty mindeti. Men el Prezıdenti Qasym-Jomart Kemelulynyń bastamasyn qoldap, jańadan qurylǵan Qazaq Tili Endowment qoryna ASSYLTAS qoǵamdyq qorynan 100 mln.teńge aýdaratynymdy habarlaımyn, – deıdi Dýlat Tastekeı.

 Bul qordyń basty mindeti – memlekettik tildi qoldaý jáne damytýmen aınalysatyn elimizdegi eń iri uıym – "Qazaq tili" qoǵamynyń turaqty ári uzaqmerzimdi damýyn qamtamasyz etý. Sondaı-aq Endaýment qoryndaǵy jınalǵan qarjy jumsalmaıdy. Qordaǵy qarajat basqarýǵa beriledi jáne ınvestısıaǵa quıylady. Investısıalyq qyzmetinen túsken tabys "Qazaq tili" qoǵamynyń jarǵylyq mindetterine jumsalady.