QR Básekelestikti qorǵaý jáne damytý agenttigi abonentterdiń baǵany kóterý týraly ótinishterin qaraý aıasynda aǵymdaǵy jyly tarıftik josparlardyń sharttary men uıaly baılanys qyzmetterine baǵanyń ózgerý dınamıkasyn taldady. 2023 jyly uıaly baılanys operatorlarynyń tarıftik josparlary boıynsha baǵanyń 7,7% - dan 57,3% - ǵa deıin aıtarlyqtaı ósýi tirkelgeni anyqtaldy.

 Osylaısha, 2023 jyldyń mamyr-shilde aılary aralyǵynda ǵana uıaly baılanys operatorlary ózderiniń resmı saıttarynda aqparatty jarıalap, aı saıynǵy abonenttik tólemmen 30-dan astam tarıftik josparda kórsetiletin qyzmetterdiń qunyn birinen soń biri kótergen.

Osyǵan baılanysty, Kásipkerlik kodekstiń 199-babynyń 3-tarmaǵyn eskere otyryp, bir kúntizbelik jylda básekelestikke qarsy kelisilgen is-áreketterdiń belgilerin qaıta anyqtalýyna baılanysty Agenttik Kásipkerlik kodekstiń 170-baby boıynsha qazirgi ýaqytta «Ksell» AQ, «MT–S» JSHS (Tele2/Altel) jáne «Kar-Tel» JSHS (Beeline) uıaly operatorlaryna qatysty tergep-tekserýdi bastady.

  Budan basqa, buǵan deıin Agenttik uıaly baılanys operatorlarynyń bir mınýttyq sóılesýlerdegi qońyraýlardyń qunyn jáne tarıftik josparlardaǵy bir SMS-ti belgileý jónindegi áreketterinde (kórsetilgen qyzmetterdiń bir birlikke tarıftelýi kózdelgen) básekelestikke qarsy kelisilgen is-qımyldardyń belgilerin (Kásipkerlik kodekstiń 170-baby) anyqtaǵan bolatyn.  Osyǵan baılanysty uıaly baılanys operatorlaryna baǵany negizdi tómendetý jolymen anyqtalǵan belgilerdiń toqtatylǵany týraly habarlama jiberildi.

 Uıaly operatorlar habarlamany belgilengen merzimde oryndamaǵan jaǵdaıda, Agenttik tergep-tekserý júrgizý týraly da sheshim shyǵarady.