"Ótken 2023 jyldyń eń basty qýanyshty qorytyndysy – elde eshbir eleýli ózgeris bolǵan joq", dep shúkirshilik aıtqan eken Danıar Áshimbaev deıtin Qazaqstandaǵy orystildi saıasattanýshy.

Eski-jańa Qazaqstandy eshqashan synap kórmegen oǵan salsań árıne, bul el ózgermeýi kerek, osy otyrysymyz óte jaqsy-mys.

Ekinshi ótirikshi qarjy mınıstri Erulan Jamaýbaev boldy.

Onyń aıtqan ótirigi bes kúnnen keıin ashylyp qaldy.

Qarjy mınıstri 1 qańtardan bastap Qazaqstanda mobıldi aýdarymdar baqylanyp, kásipkerler "jasyryn" jumysqa kóship ketpeı me, degen suraqqa 27 jeltoqsanda "Qazir eshkim qolma-qol aqsha ustamaıdy, qolma-qol aqsha ustaý yńǵaısyz. Dúkenge baryp, bes myńdy aıyrbastaý múmkin emes. Halyq jalma-jan qolma-qol aqshaǵa kóshe jóneledi dep oılamaımyn", dep jaýap bergen edi.

2024 jyl da keldi. Biraq Qazaqstan qoǵamy alǵa damýdyń ornyna birneshe jylǵa keri ketti.

Iá, 1 qańtardan bastap qaltadaǵy qaǵaz aqshaǵa qaıta oraldyq. Dúken ataýly men qyzmet kórsetetin jerlerdiń bári Kaspi aýdarym men QR arqyly aqy alýdan at-tonyn ala qashty bir-aq kúnde!

Sıfrlyq Qazaqstan jaıyna qaldy. Qaǵaz aqshaǵa qaıta oraldyq.

Endi burynǵydaı kósheniń jıegine shyǵyp, qol kóterip taksı ustaıtyn bolamyz. Taksıshilerge de tyqyr taıanady bıyl. Bıyl bıznesti tekserýge jarıalanǵan moratorııdiń aıaqtalýyna baılanysty kásibiniń arqasynda 2024 jylǵa kedeı bolyp kirmegen kásipkerler endi tapqanyn "tekserýshilermen" bólisetin boldy.

Qarap otyrsaq, qysym barlyq jaqtan kúsheıe tústi.

Aıtpaqshy, bıyl AES qurylysy boıynsha referendým ótip, sosyn qurylys bastalýy múmkin.