Prezıdent Q.Toqaevtyń  «Egemen Qazaqstan» gazetine bergen suhbatynda ótken jylǵy mańyzdy oqıǵalarǵa, elimizdiń ekonomıkasyn damytýdaǵy naqtyly atqarylǵan isterge toqtalyp, baǵa berilgen.  Áleýmettik baǵyttaǵy túıtkildi máselelerdi sheshýdegi qabyldanǵan Áleýmettik kodeks – memleketimizdegi osal toptaǵy azamattarǵa keshendi túrde qoldaý kórsetetin jan-jaqty, ári ýaqytyly qabyldanǵan qujat ekeni aıtyldy. Osy turǵyda atqarylǵan ister qataryna elimizdiń túkpir-túkpirinde boı kóterip jatqan bilim oshaqtary, densaýlyq saqtaý nysandary salynyp jatqandyǵy, zıandy eńbek jaǵdaıyndaǵy jumys isteıtin qyzmetkerlerge arnaıy tólemaqy engizilýi, medısına qyzmetkerleri men pedagogterdiń jalaqysy ósýin aıtýǵa bolady. Bul sharalardyń bári de el múddesi  úshin jasalyp, halyq kóńilinen shyǵa bildi.

Sondaı-aq prezıdent bul ıgi bastamalar turaqty maqsatymyzǵa jetý úshin josparly túrde  aldaǵy jyly da óz jalǵasyn tabatynyn aıtyldy.

Prezıdent suhbatynda aıtylǵan mańyzdy máselerdiń biri – 2029 jylǵa qaraı jalpy ishki ónimdi qazirgiden eki esege arttyrý máselesin basty strategıalyq maqsat retinde belgileýi. Elimizdiń ekonomıkalyq órkendeýi jolynda bul ýaqytyly ári durys qabyldanǵan maqsat ekeni sózsiz.

Suhbatta prezıdent Q.Toqaev ekonomıkalyq, qoǵamdyq-saıası jáne gýmanıtarlyq salalarda atqarylatyn jumystardy atap kórsetip, olardyń mańyzdylyǵyna toqtaldy.  Josparlanǵan bul sharalardyń qaı–qaısy bolmasyn tutas ulttyń ósip-órkendeýine qosar úles ekeni aıtyldy.

Prezıdent suhbatynda aıtylǵan kez kelgen máselege baıyptaı qarasaq, árbir qoıylǵan maqsat pen mejege jetý úshin eń birinshi adaldyq, jaýapkershilik, ultymyzǵa degen qurmet qajet ekenine basa mán berilgen.

«Ultymyz ósip-órkendesin desek, biz jaqsydan úırenip, jamannan jırene bilýimiz kerek. Qoǵamda eńbekqorlyq pen jasampazdyq joǵary baǵalanýǵa, bilimpazdyq pen jańashyldyq saltanat qurýǵa tıis», - dep adam boıyndaǵy eń basty qasıetterdi oryndy kórsete bildi. Prezıdentimiz atap ótken, táýelsiz elimizdi damytý jolyndaǵy basty maqsattarǵa jetý jolynda adal ári qaltqysyz qyzmet etý, óz úlesimizdi qosý – árbirimizdiń azamattyq  paryzymyz. Suhbatta aıtylǵandaı tek qana alǵa qarap, alysty  kózdeıtin maqsattarǵa umtylýymyz kerek. Sonda ǵana keleshegimiz jarqyn bolmaq!

Ál-Farabı atyndaǵy QazUÝ JOO-ǵa deıingi bilim berý fakúlteti
JOO-ǵa deıingi daıyndyq kafedrasynyń oqytýshylary:
J.T. Ibraımova, G.M. Mýjıgova, S.A. Nýsýpbaeva