Almaty qalasy boıynsha Sybaılas jemqorlyqqa qarsy qyzmettiń habarlaýynsha, Jetisý aýdany ákiminiń orynbasaryna qatysty sotqa deıingi tergeý bastaldy.

Ol jergilikti kásipkerlerden 14 mıllıon teńge kóleminde para aldy degen kúdikke ilikti.

Ol aqshany memlekettik satyp alý sharttaryn jasasýǵa, oryndalǵan jumystar aktilerine qol qoıǵany úshin alǵan eken. 

Tergeý sotynyń sanksıasymen kúdikti qamaýǵa alyndy.

Tergeý jalǵasýda.

Qylmystyq-prosestik kodeksiniń 201-babyna sáıkes ózge aqparat jarıa etýge jatpaıdy.

Konstıtýsıanyń 77-baby 3-tarmaǵynyń 1-tarmaqshasyna jáne Qylmystyq-prosestik kodeksiniń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.