Mınıstrliktiń baspasóz qyzmetiniń habaralaýy boıynsha, vedomstvonyń Telegram-arnasynda densaýlyq saqtaý mınıstri otstavkaǵa ketetini týraly petısıa qate jarıalanyp ketken.

"Bul jazba osy petısıany teriske shyǵarý maqsatyndaǵy materıaldy jarıalaý kezinde ınternet durys istemeýine baılanysty shyǵaryldy. Petısıanyń mazmuny shyndyqqa janaspaıtyndyqtan, azamattardy jalǵan aqparatqa sendiretindikten, vedomstvonyń baspasóz qyzmeti teriske shyǵarý mátinin daıyndady", - dep jazylǵan habarlamada.klama

Sonymen qatar, MÁMS júıesi týraly da aıtyldy.

"Birinshiden, MÁMS júıesiniń jumysyna qatysty áleýmettik medısınalyq saqtandyrýdy engizýdiń arqasynda densaýlyq saqtaý búdjeti keıingi úsh jylda 1,7 ese, bıyl 1,1 trıllıon teńgeden 2,8 trıllıon teńgege deıin óskenin atap ótken jón. Osylaısha, saqtandyrý qarajatynyń esebinen elimizdiń bir turǵynynyń densaýlyǵyna jumsalatyn shyǵyn 56 myń teńgeden 122 myń teńgege deıin ósti. Sonymen qatar, MÁMS-tiń esebinen stasıonarlyq kómekti qarjylandyrý 2,4 ese, joǵary tehnologıalyq medısınalyq kómek 2,5 ese, kúndizgi stasıonarlar 2 ese ulǵaıdy, jyl saıyn 1,5 mıllıonǵa jýyq KT/MRT qyzmetteri júrgiziledi, halyqty tegin dári-dármekpen qamtý deńgeıi 3,9 mıllıon adamǵa deıin jetti. Qarajatty jumsaýdyń ashyqtyǵy turǵysynan medısınalyq saqtandyrý qory jarıa eseptilik pen ashyqtyq erejelerin qatań ustanady", - dep jazylǵan habarlamada.

Densaýlyq saqtaý mınıstrligi "joǵarylatylǵan baǵa boıynsha búdjetten bólingen 48 mıllıard teńgege" medısınalyq apparattar satyp alady degen tujyrymdy da joqqa shyǵardy.

"Medısınalyq jabdyqtardy satyp alý rásimi "SQ-Farmasıa" biryńǵaı dıstrıbútoryna bekitilgen, al qarjylandyrý kózi jergilikti atqarýshy organdardyń ótinimderi boıynsha óńirlik búdjetter sanalady. Densaýlyq saqtaý mınıstrligi birneshe ret aqparattyq shabýyl nysanyna aınaldy, munda jalǵan aqparat kózderi qoldanylyp, ashyq arandatýǵa jol berilip jatyr. Buqaralyq aqparat quraldary arqyly bedelge nuqsan keltirýge tyrysqanyna qaramastan, mınıstrlik memlekettik organ retinde únemi aıqyn jáne ashyq saıasatty ustanady, árqashan syndarly dıalog pen paıdaly pikirtalastarǵa daıyn", - dep jazylǵan mınıstrlik málimetinde.