"Ashyq NQA" portalynda jarıalanǵan qujatqa sáıkes, "Qazaqstan Respýblıkasynyń azamattyǵyna qabyldaý" týraly buıryǵyna ózgerister engizildi.

Engizilgen ózgeristerge sáıkes, "Qazaqstan Respýblıkasynyń azamattyǵyna ońaılatylǵan tártippen (tirkeý tártibimen) qabyldanýǵa" degen buıryqtyń 5-taraýy mynadaı mazmundaǵy abzaspen tolyqtyryldy: ótinishke (ótinishke) mynadaı qujattar qosa beriledi: Qazaqstan Respýblıkasy Úkimetiniń 2018 jylǵy 31 qańtardaǵy № 36 qaýlysymen bekitilgen "Daktıloskopıalyq jáne genomdyq tirkeýdi júrgizý qaǵıdalaryna sáıkes sheteldiktiń jáne azamattyǵy joq adamnyń daktıloskopıalaýdan ótkeni týraly anyqtama".

Qazaqstan azamattyǵyna ońaılatylǵan tártippen qabyldaýǵa da ózgerister engizildi. Osylaısha, Qazaqstan Respýblıkasynda turaqty turýǵa ruqsat berýden bas tartý úshin negizderi bolsa (bir mezgilde Qazaqstan Respýblıkasynda turaqty turýǵa ruqsat alýǵa jáne Qazaqstan Respýblıkasynyń azamattyǵyna ońaılatylǵan tártippen (tirkeý tártibimen) qabyldanýǵa qujattar tapsyrǵan kezde) bas tartylady. Bul qandaı negizder ekeni qujatta kórsetilmegen. Burynǵy erejede mundaı tarmaq bolmaǵan.

İshki ister mınıstriniń buıryǵy 23 qańtarǵa deıin talqylanady.