Qaraǵandy oblysyndaǵy Aqtoǵaı aýdany ákimdiginiń Ekonomıka jáne qarjy bólimi «Aqjaryq-Appaz» tas jolyn jóndeýge ashyq konkýrs jarıalapty. Oǵan bólmek bolǵan somasy 328 mln teńgeden asady, dep habarlaıdy Qamshy.kz.

Biraq ondaı jol joq eken. Bul – áli salynbaǵan tas jol. Salynbaı jatyp búlinip, ony jóndeýge asyǵyp aqsha bólýge kirisip ketken eken sheneýnikter.

Jóndeý jumystary qoldanystaǵy tas jolda júrgizilýi kerek.

«Qazaqstan Respýblıkasyndaǵy sáýlet, qala qurylysy jáne qurylys qyzmeti týraly» Zańnyń 60-babynyń 1-tarmaǵyna sáıkes obektiler men olardyń keshenderiniń qurylysy jobalyq (jobalyq-smetalyq) qujattama boıynsha júzege asyrylady.

Osy normany buza otyryp, ekonomıka bólimi qurylys jobasy joq jańa tas jol salýǵa árekettengen.

Qurylys-montaj jumystary boıynsha memlekettik satyp alýlar QR Qarjy mınıstriniń 2022 jylǵy 18 qańtardaǵy №46 buıryǵymen bekitilgen «Reıtıńtik-balldyq júıeni paıdalana otyryp, konkýrs arqyly júzege asyrylatyn taýarlardyń, jumystardyń, qyzmetterdiń» tizbesine engizilgen.

Osyǵan qaramastan, qurylys-montaj jumystary týraly habarlandyrý ashyq konkýrs arqyly ornalastyrylǵan.

"Aqtoǵaı aýdany prokýratýrasynyń qadaǵalaý aktisi boıynsha bul konkýrs joıyldy", dep habarlady Qaraǵandy oblysynyń prokýratýrasy.