Oqýshylar kanıkýlǵa shyǵady

Elimizdiń mektepterinde 2024 jylǵy 8 qańtardan bastap, 10 oqý aptasynan turatyn III toqsan bastaldy.

Al 5-11 aqpan aralyǵynda 1-synypta bilim alýshylarǵa (kúntizbelik 7 kún) qosymsha demalys beriledi.

 "Elorda jastary" baǵdarlamasy bastalady

1 aqpannan bastap astanalyq jastar "Elorda jastary" baǵdarlamasyna qatysýǵa ótinish bere alady.

Qujat tapsyrý 2024 jylǵy 1 aqpanda saǵat 9:00-den bastalypp 2024 jylǵy 6 aqpan kúngi saǵat 23.59 deıin ótedi.

Ótinishterdi qabyldaý birge.astana.kz portaly arqyly elektrondyq túrde júzege asyrylady.

 Balalarǵa aqsha aýdarylady

Elimizde 1 qańtardan bastap "Ulttyq qor – balalarǵa" jobasy iske qosyldy.

1 aqpannan bastap alǵashqy qarajat aýdaryldy. Qor ınvestısıalyq tabysynyń 50 paıyzy 18 jasqa deıingi barlyq jastaǵy balalarǵa teńdeı bólinedi. Ony bilim alýǵa nemese baspana alýǵa jumsaýǵa bolady.

 Kásibı mamandar merekesi

1 aqpan – Qazaqstannyń avıasıalyq qaýipsizdik qyzmeti kúni. Bul kúni avıasıa salasyna úles qosyp kele jatqan qyzmetkerler marapattalady.

 “AQYL” depozıtin ashýǵa bolady

2024 jylǵy 1 aqpannan bastap “AQYL” bilim berý jınaqtaý depozıtin ashýǵa bolady.
“AQYL” bilim berý jınaqtaý depozıti - bul Qazaqstan Respýblıkasynyń kez kelgen azamaty úshin bolashaqta óz atyna nemese balasynyń atyna elimizde jáne shetelde bilim aqysyn tóleý úshin paıdalanýǵa bolatyn bilim berý jınaqtaý depozıttin ashýdyń tıimdi múmkindigi.

Syıaqy mólsherlemeleri:
3 jyl – jyldyq 12% (JTSM 12,9% deıin)
5 jyl – jyldyq 9,5% (JTSM 10,1% deıin)

Jyl saıynǵy memlekettik syılyqaqy:

7%:

- jetim balalar;
- ata-anasynyń qamqorlyǵynsyz qalǵan balalar;
- múgedektigi bar adamdar;
- kóp balaly otbasylardan shyqqan balalar;
- az qamtylǵan otbasylardan shyqqan balalar úshin.

5%:

- halyqtyń qalǵan sanattary úshin.
Memlekettik syılyqaqynyń eń joǵary mólsheri-respýblıkalyq búdjet týraly zańda tıisti qarjy jylyna belgilengen aılyq eseptik kórsetkishtiń júz eselengen mólsherinen aspaıdy (2024 jyly 100 AEK - 369 200 teńge).