«2024 jyldyń jazynda nomınaly 10 000 teńgelik banknot shyǵarý josparlanǵan. Jalpy osy serıa aıasynda 2025 jyldyń aıaǵyna deıin banknottardyń barlyq nomınalyn aınalymǵa kezeń-kezeńimen shyǵarý josparlanǵan. 500 teńgeden bastalyp, nomınaly 20 000 teńgelik banknotpen aıaqtalatyn jańa serıa», - dep habarlaıdy Ulttyq bank. 

Jańa dızaındaǵy banknottar aınalymǵa shyqqannan keıin burynǵy dızaındaǵy banknottar aınalymnan kezeń-kezeńimen shyǵarylady.

«Ulttyq bank eski jáne jańa úlgidegi banknottardyń paralel aınalys merzimin 1 jylǵa belgileıdi. Qajet bolǵan jaǵdaıda bul merzim uzartylýy múmkin. Paralel aınalys kezeńinde eski jáne jańa banknottar zańdy tólem quraly bolyp tabylady jáne tólemder men aýdarymdardyń barlyq túrine qabyldanady. Olardy Ulttyq banktiń barlyq fılıalynda, Qazposhtada jáne ekinshi deńgeıli bankterde shekteýsiz aıyrbastaýǵa bolady»,  delingen habarlamada.