Búkil qazaqtyń saıası ortalyǵyna aınalǵan ulttyq gazet sol kezeńdegi jalpy musylman túrki jurtyna túsinikti qaripte basylyp shyǵyp turdy.

«Kırgız» dep óz atymyzben atamaǵan kezeńde Alash kósemderi «Qazaq» gazetin shyǵaryp, sonyń mańaıyna toptasty.

Ahmet Baıtursynov:

«Ataly jurtymyzdyń, aýdandy ultymyzdyń arýaqty aty dep, gazetimizdiń esimin «Qazaq» qoıdyq. Ult úshin degen istiń ulǵaıýyna kúshin qosyp, kómektesip, qyzmet etý qazaq balasyna mindet. Halyqqa qyzmet etemin deseńder, azamattar, týra joldyń biri osy», – dep jazdy.

Rasynda, «Qazaq» gazeti halyq aldyndaǵy óz mısıasyn jetkilikti deńgeıde oryndady. Ol ult múddesi mańyna halyqty uıystyryp qana qoımaı, azattyq qozǵalystyń órkenıetti túrin tanyta bildi. Sondaı-aq qazaq ádebı tiliniń jalpyhalyqtyq qoldanysqa engizilýine at salysyp, jalpy kásibı gazet stılin qalyptastyryp ketti. Sol sebepti de elimizde bul kúndi Ulttyq basylym kúni dep ataý týraly sheshim qabyldanǵan.

Aıta ketsek, 2023 jyly QR Úkimetiniń qaýlysymen 2 aqpan Ulttyq basylym kúni bolyp bekitildi.