QR Saýda jáne ıntegrasıa mınıstrligi Tehnıkalyq retteý jáne metrologıa komıtetiniń málimetinshe, 2023 jyly medısınalyq mekemelerge qatysty 671 tekserý jasaldy.

Tekserý barysynda 104 medısınalyq mekemede 6 myńnan astam senimsiz ólsheý quraly anyqtaldy. Olardyń arasynda qan qysymyn ólsheıtin jabdyqtar, ókpeni jasandy jeldetý apparattary, dıfebrıllátorlar, sondaı-aq jańa týǵan nárestelerge arnalǵan ınkýbatorlar bar.

«Medısınadaǵy ólsheý quralyn ýaqtyly salystyryp, tekserýdiń bolmaýy saldarynan qate nátıjelerdi kórsetýi múmkin. Bul turǵyda qate dıagnoz qoıylýy yqtımal jáne adam densaýlyǵy men ómirine eleýli qaýip tóndiredi» - dedi Tehnıkalyq retteý jáne metrologıa komıtetiniń tóraǵasy Qýanysh Elikbaev.