2023 jylǵy 1 shildeden bastap áleýmettik máseleni sheshý sheńberinde memlekettik orman kúzeti qyzmetiniń qyzmetkerlerine laýazymdyq jalaqynyń 100% mólsherinde qosymsha aqy belgilendi. Memleket orman kúzeti qyzmetkerleriniń ortasha jalaqysy 129 myń teńgeden 250 myń teńgege ósti, – dedi mınıstr.

   Iaǵnı, 12 876 shtattyq qyzmetkerdiń jalaqysy ósti. Olardyń qatarynda memlekettik orman kúzeti qyzmeti, tabıǵat qorǵaý mekemeleriniń memlekettik ınspektorlary, janýarlar dúnıesin qorǵaý jónindegi mamandandyrylǵan uıymnyń ınspektorlary bar.

   Qalǵan qyzmetkerlerge shtatqa kiretin ákimshilik qyzmetshilerge jáne shtattan tys qyzmetkerlerge mınıstrlik pen kásipodaq arasyndaǵy kelisim sheńberinde 75% ústemaqy qarastyryldy.

   Sondaı-aq «mınıstrlik jalaqyny 100 paıyz kóterý boıynsha júıeli sharalar qabyldaý úshin orman órt sóndirý stansalarynyń barlyq qyzmetkerlerine, onyń ishinde ýaqytsha qyzmetkerlerge qosymsha aqy tóleý boıynsha Úkimet qaýlysynyń jobasyn ázirledi. Qaýly jobasy ýákiletti organdarmen aldyn ala kelisildi» dep aıtty vedomstvo basshysy Májiliste.