Qalalyq polısıa basqarmasynyń baspasóz qyzmeti málim etkendeı, is-shara barysynda polıseıler Jol júrý erejeleri talaptarynyń saqtalýyn qadaǵalaıdy. Sonyń ishinde taksılerdiń jolaýshylardy, bagajdy tasymaldaý erejelerin saqtaýyn tekseredi.

    5 aqpannan beri tártip saqshylary jolaýshylardy zańsyz tasymaldaǵan 9 taksı júrgizýshisin anyqtady. Sondaı-aq kólikti nómirsiz basqarǵan 46 júrgizýshi ustaldy. 380 júrgizýshi mindetti tehnıkalyq tekseristen ótpegen. Budan bólek 500-den astam júrgizýshi jolaýshylar men júkterdi tasymaldaý talaptaryn saqtamaǵan.

    - Shara barysynda patrúldik polıseıler "Húndaı" avtokóligin basqarǵan 35 jastaǵy Ózbekstan azamatyn anyqtady. Sheteldik tıisti tirkeý qujattarynsyz "Iandeks" mobıldik qosymshasy arqyly jolaýshylardy tasymaldap júrgen. Ózbekstan azamatyna qatysty kóshi-qon zańnamasyn buzǵany úshin ákimshilik hattama jasaldy. Al kóligi komýnaldyq turaqqa qoıyldy, - dep atap ótti vedomstvo.