Áleýmettik jelide balalarǵa jasalǵan shabýyldyń vıdeosy paıda boldy. Oqıǵa Jambyl aýdanyndaǵy aýyldardyń birinde bolǵany habarlandy. Er adam jergilikti turǵyndardyń úıine basa-kóktep kirip, ondaǵy kishkentaı balalarǵa kúsh kórsetip, uryp-soǵyp, tamaǵyna pyshaq taqap qorqyta bastaǵan. Balalardyń aıqaıyna kórshileri júgirip kelgende, olardyń aıaq-qoly baılanǵanyn kórgeni aıtylady. Zardap shekkenderdiń aıtýynsha, Baqytjan esimdi bireý úıge basyp kirgen.

   Oblystyq Polısıa departamentiniń basshysy Baýyrjan Álenov bul is polısıanyń erekshe baqylaýynda ekenin aıtady.

     -Kishkentaı balalarǵa jasalǵan shabýyl týraly aryz boıynsha sotaldy tergeý bastaldy. Kúdikti anyqtaldy. Ony ustaý sharalary júrgizilip jatyr. Oblystyń barlyq aýdandyq bólimsheleri men oblystyq polısıa organdaryna baǵyt-baǵdar berildi, - dedi Baýyrjan Álenov.