Qazaqstan Respýblıkasynyń Úkimeti men Qytaı Halyq Respýblıkasynyń Úkimeti arasyndaǵy mádenı ortalyqtardy ózara qurý týraly zań jobasy ázirlendi.

Atalǵan kelisim Astana qalasynda 2023 jyly 24 qarashada jasalǵan bolatyn.

Kelisimniń maqsaty – mádenı ortalyqtardy qurý, sondaı-aq eki halyq arasyndaǵy ózara túsinistikti jan-jaqty nyǵaıtý jáne mádenı-gýmanıtarlyq salada taraptar memleketteri arasyndaǵy dostyq qarym-qatynasty, ózara almasý men yntymaqtastyqty damytýǵa járdemdesý.

«Kelisimdi ratıfıkasıalaý Qazaqstan men Qytaı arasyndaǵy
mádenı-gýmanıtarlyq, ǵylymı jáne bilim berý salasyndaǵy baılanystardy odan ári keńeıtýge, týrısik áleýetti damytýǵa jáne mádenıet jáne óner qaıratkerlerin tartý arqyly eki eldiń tarıhı-mádenı murasyn ilgeriletýge jáne eki eldiń tarıhı-mádenı murasyn nasıhattaýǵa oń serpin beredi», delingen qujatta.

Atalǵan zań jobasy jaqyn kúnderi Májiliske usynylady.

Mádenıet mınıstrligi 2022 jyly eki memleket basshylary Qytaı men Qazaqstanda teńdik negizde mádenı ortalyqtar qurý týraly kelisimge kelgenin naqtylaıdy.

Qujat qoǵamdyq talqy úshin «Ashyq NQA» saıtyna 4 naýryzǵa deıin  ornalastyryldy.