Ózbekstan Respýblıkasynyń bokstan 2023 jylǵy chempıonatynyń qola júldegeri Aman Qonysbekov Qazaqstanǵa qonys aýdardy. 71 kelige deıingi salmaqta óner kórsetetin qandasymyz Astana qalasyna kóship keldi. Ol qazirgi kezde elordada aǵasymen birge turyp jatyr. Al bokstan jarystarǵa Túrkistan oblysynyń atynan qatysady, delingen Instagramdaǵy kazakhboxing paraqshasynda.

Aman otandyq bylǵary qolǵap sheberlerimen búgin Almatydaǵy oqý-jattyǵý jıyndarynda júr.

Aıta keteıik, Qonysbekov byltyr Ózbekstan chempıonatynyń jartylaı fınalynda álem chempıony Asadhýja Mýıdınhýjaevpen kezdesken. Sol kezde úsh raýnd qorytyndysy boıynsha Mýıdınhýjaev tóreshilerdiń bólek sheshimimen jeńiske jetti. Degenmen, sol daýly kezdesýdiń birinshi raýndynda Qonysbekov qarsylasyn bir ret nokdaýnǵa túsirgenin eske sala keteıik.

Aman baýrymyz Ózbekstannyń Navaı oblysy, Kenimeh qalasy, Zafarabad aýylynda týǵan. Býharada ýnıversıtette oqyp, jattyǵý jasaǵan.
Sportshynyń týyp-ósken jeri Táýelibaı dep atalǵan burynda. Kenimeh, Zafarabad, Zarafshan, Ushquduq, Tamdy degen jerler. Qyzylorda oblysyna qarasty bolǵan KSRO kezinde, odan soń Ózbekstanǵa ótip ketken.