Elimizde ınovasıa men jańa tehnologıalardy damytý úshin venchýrlyq sektorǵa qomaqty qarjy bólinbekshi. Iaǵnı, ınvestısıa "Samuryq–Qazyna" kompanıalarynan, bankterden, saqtandyrý kompanıalarynan jáne zeınetaqy qorlarynan tartylmaq. 

Sondaı-aq Qazaqstannyń Kásipkerlik kodeksi men Áleýmettik kodeksine ózgertýler engizý josparlanyp otyr. Ózgertýler jobasy daıyn, ol jaqyn arada Májilistiń talqylaýyna usynylady. 

Sıfrlyq damý mınıstrliginiń túsindirme jazbasyna sáıkes, bul shara prezıdenttiń venchýrly qorlardy qarjylandyrýǵa sheteldik jáne otandyq ınvestorlardy tartý jónindegi tapsyrmasymen oryndaý úshin qolǵa alynǵan. 

Biryńǵaı jınaqtaýshy zeınetaqy qory endi venchýrly qorlardyń jarǵylyq kapıtalyndaǵy úlesterdi nemese qatysý úlesterin satyp ala alady. Odan ınvestısıalyq tabys kórýge de quqyly bolady. Eger jobalar tabysty júzege asyp jatsa, joǵary ınvestısıalyq tabys esebinen qazaqstandyqtardyń jeke jınaǵynyń somasy da arta túsedi.