Epısentr Almaty qalasynan ońtústik-shyǵysqa qaraı 259 km jerde Qytaı aýmaǵynda ornalasqan. Almatylyqtarǵa onyń aftershoktary sezilgen.

«Almaty qalasynda 2 bal sezildi. Zardap shekkender men ǵımarattarǵa zaqym kelgeni týraly aqparat joq. Jaǵdaı turaqty», – dep habarlady Tótenshe jaǵdaılar mınıstrliginiń baspasóz qyzmeti.

Mınıstrlik azamattarǵa sabyr saqtap, dúrbeleńge berilmeýge keńes beredi. 

Buǵan deıin Tótenshe jaǵdaılar mınıstrligi men Almaty qalasy tótenshe jaǵdaılar departamentiniń ókilderi 23 aqpanda qalada seısmıkalyq jattyǵý ótetinin málimdegen. 

Seısmıkalyq jattyǵýdyń negizgi maqsaty  – qala turǵyndarynyń tótenshe jaǵdaılarda daıyn bolý kerektigine úıretedi. Iaǵnı, turǵyndar evakýasıa marshrýttaryn, qaýipsiz oryndardy aldyn ala anyqtap, dabyl chemodandaryn daıyndaıdy.