Sýreti qoǵam belsendisi Turarbek Qusaıynov jelidegi paraqshasynda jarıalady, dep jazady "Aq Jaıyq" basylymy.

Sýrette Bergeı Rysqalıev pen Aslan Mýsın Londondaǵy ataqty dúkenniń aldynda turǵany kórinip tur.

Aıta ketsek, Atyraý oblysy jáne Atyraý qalasynyń ákimi qyzmetin atqarǵan Bergeı Rysqalıevke 2013 jyldyń 5 aqpanynda izdeý jarıalandy. Oǵan QR Qylmystyq kodekstiń 176-baby boıynsha kózdelgen qylmysty jasady jáne uıymdasqan qylmystyq qoǵamdastyq qurdy degen aıyp taǵyldy. 2019 jyldyń 25 qańtarynda syrttaı sot otyrysy ótip, ol 17 jylǵa bas bostandyǵynan aıyrylǵan bolatyn. 

Ol saıası sebeptermen Ulybrıtanıada bosqyn mártebesin alǵan. Sebebi eldiń Joǵarǵy soty qylmystyq qýdalaýdyń saıası astary bar dep sheshken.

Al yqpaldy saıasatker sanalyp kelgen Aslan Mýsın kezinde QR Prezıdenti ákimshiliginiń jetekshisi qyzmetin atqarǵan. Esep komıtetin de basqarǵan. 2017 jyly 24 jeltoqsanda Latvıa astanasy Rıgada Aslan Mýsınniń uly Asylbektiń kóz jumǵany belgili boldy.