Dańqty sportshynyń Instagram-daǵy paraqshasyndaǵy jazbasy qazaq tilinde bastalady.

"Qadirli dostar, búgin quttyqtaýyn joldaǵan barsha sportsúıer qaýymǵa alǵysym sheksiz! Halyqaralyq olımpıadalyq qoǵamdastyqta elimizdiń atynan qyzmet etý men úshin úlken abyroı ári jaýapkershilik. Aldymyzda úlken mindetter turǵanyna qaramastan, el sportyna paıdam tıerine shyn senemin! Eń bastysy – bizdiń jumys isteýge degen úlken nıetimiz ben sizderdiń sheksiz qoldaýlaryńyz bar! Rahmet!", delingen jazbada.

Aıta ketsek, kúni keshe QR UOK prezıdenti Tımýr Qulybaev Bas Assambleıa múshelerine uıym prezıdenti retindegi ókilettigin merziminen buryn toqtatý týraly sheshim qabyldanǵany belgili boldy. 

Bas Assambleıa músheleriniń daýys berý qorytyndysy boıynsha QR UOK prezıdenti bolyp Qazaqstan boksshysy, 2004 jylǵy Afıny Olımpıadasynyń kúmis júldegeri, kóptegen  ataqtyń ıesi Gennadıı Golovkın saılandy. 

Tımýr Qulybaev - Qazaqstannyń tuńǵysh Prezıdenti Nursultan Nazarbaevtyń kúıeýbalasy. Forbes-tyń 2023 jylǵa arnaǵan qorytyndy esebinde Dınara Qulybaeva men onyń kúıeýi Tımýr Qulybaevtyń jıyntyq tabysy bir jylda 800 mln dollarǵa kóbeıip, Qazaqstandaǵy eń baı adamdar tiziminiń alǵashqy úshtigin quraıtyny naqtylanady.